Өнөө үлгэрт үрс
Өөрийгөө танимгүй
Өнийг мэдэмгүй
Өнөдийг тандалгүй
Өндөр тэнгэрийн үйлээс гажин
Өнгө дор сөхрөвч
Өнгөнд урваж голомтгой
Мөнгө дор сөгдөвч
Мөнгийг мөн чамламтгай
Эрхтэн болж сэнтийдэвч
Эргэцэж бас өлөнтөн
Онох үйл үнэнгүй атал
Олзтой хэмээн овтон
Харсаар үйл нь хазайхад
Харин энэ зөвтэй гэх
Гэмтэй үйл нь таниулаад
Зэмтэй үйл нь задравч
Түмэн олныг төөрүүлэн
Төрийн сэнтийд булхайдан
Түвшин бүхнийг түйвээн
Төөрөг тавиланг арилжин
Үнэт бүхнээ үнэгүй хэмээж
Өвгөдийн өвийг хоосрол хэмээн
Танхил биеийнхээ
Таван тухыг таниагүй
Эгэл энэхэн бодиндоо
Элдэв амттан зооглон
Алдхан энэ л биедээ
Алтан хэвтэр бэлдэвч
Амран тааваар хөрвөөвч
Өнгөтийг урин наадавч
Өв болгох оюун үгүй
Ов болгох суу үгүй
Эв болгох сэхээрэл үгүй
Ур болгох дэм үгүй
Эр болгох санаа үгүй
Ир болгох сэдэл үгүй
Хамтаар хариуцах сэтгэл үгүй
Хар амиа тээсэн
Хижи гөрөөсний үлгэрийг л
Хүмүүн төрөлтөн
Өнгөн дор
Мөнгөн дор үйлдээд байна даа.
Хн...
Тэнгэрийн ёсоор үйлийг ЖАЯГЛАХ
Түмнийг дагуулах СЭХЭЭРЭЛ
Олныг оройлох ГЭГЭЭРЭЛ
Онохуйг таних УХААРАЛ
Онож олзлох ОЮУНТАН
Цагийн үйлийн ТОВТОН
Цаглашгүй бүтээх ҮЙЛТЭН
Өнөдийн үйлийн ТҮВШИН
Өргөөнд багтсан ЦУЛДАЛ
Өвгөдийн өвийн КУР
Өнөө үрсүүд НИЙ ДЭМ болж
Эгнэгт санах ҮЙЛ-ийг
Мөнхөд дагах ЗҮЙ-г
Шажин гэж ЯЛГАЛ-гүй
Өстөн гэж ӨСӨРХӨЛ-гүй
Хортон гэж ХОРЛОЛ-гүй
Хөнөөлтөн гэж ХӨӨЛ-гүй
Алдсан гэж АДЛАЛГҮЙ
Хартай гэж ХАЖИГЛАЛ-гүй
Өршөөлт СЭТГЭЛ-ээ дагаж
Өөнтөг БОДОЛ-оо орхиж
БИ-гээс БИ- гээ
Биеэс ариусалаа
Өөрөөсөө ӨВ-өө
Өвгөдөөс УЛАМЖЛАЛ-аа
Ухаандаа УЯЛГА-тай
Удамшилдаа УХАМСАР-тай
Гэрийн СУРЛАГА-тай
Эрхэсийн үйлээр ТАНДАГЧ
Газрын үйлээр ШИНЖИГЧ
Огторгуй хөдлөлөөр ҮЙЛДЭГЧ
Зовлонтын үйлийг ТАНИУЛАГЧ
Зовиуртын мөнийг МЭДҮҮЛЭГЧ
Үнэн үйлийн МӨРГҮН
Үйлсийн бахтай ГЭГЭЭРҮҮЛЭГЧ болцгоо үрс минь
Адын сэтгэлээ ТЭВЧИГТҮН
Авир догшироо ТАТАГТУН
ЭВ-ийн хүрээлэлээ БЭХЛЭГТҮН
ИЕ-ээр хариуцахаа САХИГТУН
Энэ Дэлхий Ертөнц цаашаа яаж, ямар замаар хэрхэн хөгжихөө мэдэхээ байчихаад байгаа бус уу? Хөгжлийн гарц хайн ЭКО боловсрол, Ногоон Дэлхий төсөл хөтөлбөр, Хүлэмжийн хийг багасгах, Хүн хэмээх төрөлтнөөс /хүн төрөлхтөн/ байгаль дэлхийд учируулсан хор хөнөөлөө арилгья, нөхөн сэргээе гэх мэтээр зарим нь сэтгэж байхад Эдийн засаг санхүүгийн чадавхиа л дээшлүүлж хөрөнгө оруулалтаа зөв үр дүнтэй зүйлд чиглүүлж Эдийн засгийн хямралаас эн тэрүүнд гарах хэрэгтэй гэж зарим нь үзээд байгаа ч юм шиг, гэтэл газар нутгаараа бүсчилээд тив тивээрээ салаад хөгжих гээд байгаа ч юм шиг янз бүрийн бодол санааг уралдуулцгааж байна.
